منوعات سلمى صباحي تكشف عن تطورات حالتها الصحية

متابعة – شادي علوش
كشفت الفنانة المصرية سلمى صباحي، عن تطورات حالتها الصحية، بعد 3 أسابيع على خضوعها لعملية جراحية في المخ.

وكتبت سلمى: النهارده فات 20 يوم ع العملية، 20 يوم مانمتش فيهم ساعة على بعضها.

وتابعت: بس بالرغم من ان دي فتره صعبه من عدم النوم و شدة الألام و كتر الأدوية، انا اتعودت دايما ابص على الحلو و في حاجات حلوه كتير شوفتها الفتره دي.

أولا ان ربنا بيحبني .. لطف بيا أوي لما خلاني اكتشف المشكله اللي عندي من حاجه بسيطه جدا ما كانتش حتى بتوجعني.

وتابعت: ثانيا حسيت أوي ب حب الناس في سؤالهم و دعواتهم و ممتنه جدا جدا لكل حد افتكرني بدعوه في صلاته او في الكعبه او عند مسجد سيدنا النبي و بعتلي من هناك.

وأضافت: أكتر حاجه فرحتني و بكيتني كمان الأطفال اللي بعتولي رسايل و رسومات و فويس نوتس.

حبكم أكبر نعمه ربنا كرمني بيها .. ثالثا اكتشفت اني غلط!!! أيوه غلطت كتير في حق نفسي.

و دي رساله لكل أم ، ركزي مع نفسك خلي بالك من نفسك ماتطنشيش نفسك.

واختتمت : رابعا بصيت على النعم اللي ربنا ادهالي طول حياتي و أيقنت ان الابتلاء دايما ربنا بيدي معاه الصبر و التحمل .

ربنا عارف انا اقدر احتمل ايه و مقدرش احتمل ايه .. الحمدلله الحمدالله الحمدالله على نعمك الكتير يا رب، انا بس نفسي انام.