شوبير يكشف حقيقة عرض المليون دولار لرحيل عبدالله السعيد من الزمالك

كشف الإعلامي أحمد شوبير حارس مرمى الأهلي ومنتخب مصر السابق، عن حقيقة وصول عرض لنادي الزمالك لضم عبدالله السعيد لاعب الفريق مقابل مليون دولار.

وقال أحمد شوبير في تصريحات إذاعية: "الزمالك عايز يجدد عقد عبدالله السعيد وهيكون الموسم الأخير له، ولكن مش عايز حد يقول ان في عرض بمليون دولار أنا عارف الأسعار المتداولة، وهذا الرقم غير صحيح على الإطلاق".

وأضاف: "عبدالله السعيد عنده عرض ممكن يكون عنده عرض، وعبدالله لاعيب هايل وبشيد بيه هنا علطول أنا ماليش دعوة عنده 40 سنة أو 39 لكن مفيش عرض بمليون دولار لا من ليبيا ولا العراق ولا الخليج ولا غيره".

وأضاف شوبير: «اكبر عرض ممكن يجي لعبدالله السعيد هيكون بـ 400 ألف دولار أو 500 ألف ده لو جت له عروض عشان بس تبقى القصة واضحة».