منوعات "أبارك للجهاز الفني للمنتخب الأولمبي وأبارك لمصر".. ميدو عن رحيل عصام الحضري: "كان بيدور على شغلانة تانية طول الفترة اللي فاتت"

وجه أحمد حسام «ميدو» التهنئة للجهاز الفني لمنتخب مصر الأولمبي بقيادة ميكالي، بعد رحيل عصام الحضري عن منصبه كمدرب لحراس مرمى المنتخب الأولمبي.

قال ميدو في تصريحاته عبر برنامج «الريمونتادا»، المذاع على قناة «المحور»: «أبارك للجهاز الفني للمنتخب الأولمبي برحيل عصام الحضري، لأن عصام الحضري مش مركز في الشغلانة مع المنتخب الأولمبي، ممكن يكون معاك حد أقل إمكانيات وقلبه معاك، ومركز معاك بس، أحسن بكتير ما يبقى معاك حد مش مركز».

وأضاف: «عصام الحضري كان بيدور على شغلانة تانية طول الفترة اللي فاتت لأنه كان مستقل شغلانة المنتخب الأولمبي، والحضري كان مُشتت، لذلك أبارك للجهاز الفني للمنتخب الأولمبي وأبارك لمصر».

واختتم: «أحسن مليون مرة تجيب حد صغير وعنصر شاب ويكون مركز مليون في المية معاك، لكن اللي مش مركز معاك ده ممكن يعملك مشكلة كبيرة زي اللي حصل بين الحضري وميكالي».