متلازمة الموهوب التي تصيب مريض طيف التوحد..تعرف عليها

“إنّ عــوض اللّـه عظيــم ” كتير سمعنا هالجملة من أهالينا بعد كل موقف سيء مرينا فيه بحياتنا، ليخففوا عنا الألم والمشاعر السلبية يلي عم نحس فيها،

بس شي مرة جربنا نسأل مريض طيف التوحد عن تجربته مع هالجملة؟

يمكن ما سألنا نحنا، بس مسلسل الطبيب المعجزة جاوبنا لحالو لما استحضر متلازمـة الموهـوب عند مريض التوحد.

يلي أثبت بجدارة قدرته بالعمليات الجراحية الدقيقة جدًّا.

المتلازمة عرضت نفسها بأنها عوض ونعمة لما ساعدته يتخطى معظم صعوبات ومشكلات حياته

متلازمة الموهوب ❴Savant Syndrome❵:

متلازمـة نـادرة جـدًّا، ما بزيد احتمالها عن 1 %.

تحدث عند الناس المصابين باختلال وظيفي بالدماغ عمومًا، وعند مرضى التوحد بشكل خاص.

المريض المصاب بكون عنده قدرات ومهارة عالية جدًا ممكن يتفوق فيها على أقرانه بموهبة معينة أو مجال مهني محدد، وما بتنحصر بمقدرة وحدة وإنما بكون متعدد القدرات والمواهب

والأهم، بيتميز المصابين بهالمتلازمة بذاكرة استثنائية بتمكّنهم من تذكّر أرقام لوحات السيارات وتفاصيل الخرائط الجغرافية وجسم الإنسان بشكل مبهر للغاية

وممكن يتفوق عليك عزيزي طالب الطب بمادة التشريح

تحدث المتلازمة بشكل خلقي، وممكن تكون مكتسبة بمرحلة الطفولة.

ســبب المتلازمـة:

نشر الأطباء والعلماء كتير أبحاث ونظريات عن هالموضوع، لكن للأسف ما في نظرية مؤكدة 100 % لحد الآن.

طفلي مصاب بمتلازمـة الموهـوب، لازم قدمله عـلاج؟

لا أبـدًا، متلازمة الموهوب مانها اضطراب أو مرض يعني المريض مانه بحاجة لتدابير علاجية، وإنما فقط تأمين بيئة نفسية صحية ودعم من العائلة والمحيط.

والأهم، تأمين حياة اجتماعية مناسبة تمكنه من تطوير هالموهبة وممارستها ليتميز فيها أكثر وأكثر.

ولا تنسوا أنو الحب رحم الابتسامات، فلازم كأخوة نقدملهم كل الحب والدعم ليكونوا لامعين بالمستقبل وقادرين يينوا أحلامهم متل الجميع

وأخيرا، دمتم بخير وصحة وسلام.